Kiroldegiko araudia

Erabilpen arau orokorrak

1. Derrigorrezkoa da dutxa hartzea saunan sartu aurretik.
2. Derrigorrezkoa da eskuohial bat ipintzea eserlekua eta azalaren artean.
3. Ezin da goiko jarlekuetan txankletekin eseri.
4. Edozein arazo edo kalte sorosleari edo harrerako langileari jakinaraziko zaio.
5. Erabilera desegokiak edo arau-hausteak kanporatzea  eta dagokion zigorra ezartzea eragingo du.

Nola egin sauna saioa

1. Sauna saio batek 30 eta 60 minutu artean iraun behar ditu eta 2 edo 3 fasetan osatu behar da.
2. Izerdia gorputzean behera erori bezain laister atera egin behar da. Lehen fase honek ez ditu 15 minutu baino gehiago iraun behar. Orduan, berriz dutxa hartu behar da ur freskoarekin, lehortu eta atseden hartu.
3. Ondoren bigarren sarrera bat egin daiteke, lehenengoaren iraupen berekoa. Irtetean, protokoloa errepikatuko dugu: dutxatu, lehortu eta lasaitasunera itzuli.
4. Hirugarren sarrera bat ere egin daiteke baina nekea sentitu bezain laister eten egin behar da. Azken saio honen ondoren, gutxienez, 20 minutuko atsedenaldia egin behar da.
5. Saunako bero bizia dela eta litro bat baino gehiago galdu daiteke transpirazio bidez eta gorputzaren tenperatura 40°C-raino igo daiteke. Deshidratazio hau orekatzeko ezinbestekoa da ura edatea atseden momentuetan.

Kontraindikazioak

1. Saunan egoteak odol-hodiak dilatatzen dituenez, ez da gomendagarria hipertentsioa, bihotz arazoak, zain-gutxiegitasuna edota gaixotasun kardiobaskularrak dituzten pertsonentzat.
2. Giltzurruneko gutxiegitasuna edo epilepsia izanez gero, zure medikuari kontsultatu.
3. Haurdunaldian ez da gomendagarria sauna erabiltzea.
4. Saunan gaudela, egin kasu norbere gorputzari eta sentsazio txarra izanez gero, bertatik irten. Erabilera arauak errespetatu eta eman beharreko pausu denak eman, segurtasun neurri gisa.
5. Osasunerako onuren inguruan zalantzarik izanez gero, medikuari kontsultatu.

Onurak

1. Sauna saio batek duen helburu nagusia erlaxatzea da, tentsio fisiko eta psikologikoak kanporatuz. Bikaina da estresa eta nerbio nekea ezabatzeko.
2. Izerdia azkar botatzen denez, gorputzeko toxinak desagertzen laguntzen du, giharren malgutasuna hobetzen du eta baita azala garbitu ere.
3. Hala ere, kontutan izan ez dela argaltzeko modurik egokiena, sauna saio baten ostean galdutako kiloak ura bakarrik baitira, ez gantza.

1. Gune honetan daude igerileku terapeutikoa bere ur-ohe eta ur-zorrotadekin, lurrun bainua, sauna, dutxak, izotz iturria eta hamaka termikoak.
2. Derrigorrezkoa da 18 urte izatea eremu honetan sartu ahal izateko.
3. Gomendagarria da  sartu aurretik azterketa medikua egitea, espazio hauen erabilera ikuspuntu mediku batetik baloratzeko.
4. Lasai egoteko lekua da, ISILTASUNA eskatzen da.
5. Derrigorrezkoa da dutxa hartzea SPA gunera sartu aurretik.
6. Bertara sartzeko txankletak derrigorrezkoak dira eta baita jantzi egokiak ere. Debekatuta dago motxila, poltsa edo kaleko arroparekin sartzea.
7. Derrigorrezkoa da eskuoihala erabiltzea sauna eta hamaka termikoetan.
8. Zirkuituak 30 minutuko iraupena du. Jende asko dagoenean derrigorrezkoa da denbora hau errespetatzea.
9. Guztiz debekatuta dago edozein tresnaren manipulazioa.
10. Debekatuta dago edozein musika-tresna erabiltzea.
11. Debekatuta dago janari edo edariekin sartzea. Baita, aldizkariak, liburuak eta paperak sartzea ere.
12. Ez da gomendagarria hondatu daitezkeen objektuak eramatea, hala nola,  bitxiak, erlojua, etab.
13. Sauna eta lurrun-bainua ez dira gomendagarriak hipotentsio arteriala, gaixotasun  kardiobaskularrak edota barizeak dituzten pertsonentzat, ez eta alkohola edan ondoren eta haurdunaldian ere.  Zalantzak izanez gero medikuari kontsultatu.
14. Edozein arazo edo kalte sorosleari edo harrerako langileari jakinaraziko zaio.
15. Erabilera desegokiak edo arau-hausteak instalaziotik kanporatzea  eta dagokion zigorra ezartzea eragingo du.

1. Debekatuta dago igerilekuko eremura kaleko jantziekin sartzea.
2. Derrigorrezkoa da uretan sartu baino lehen dutxa hartzea.
3. Uretan txanoa erabiltzea derrigorrezkoa da.
4. Igerilekuaren inguruan ezin da korrika egin edo jolasean ibili.
5. Debekatuta dago uretara salto egiten sartzea.
6. Ezin da barruko arroparekin uretan sartu.
7. Ezin da kanpoko materialik sartu, hala nola, baloia, koltxonetak, etab.
8. Haur txikiak eta igeri egiten ez dakiten adingabeak arduradun heldu batekin egon behar dira.
9. Solarium-etik igerilekuko gunera sartzeko dutxa hartzea derrigorrezkoa da.
10. Ezinbestekoa da soroslearen gomedioak jarraitzea.
11. Edozein arazo edo kalte sorosleari edo harrerako langileari jakinaraziko zaio.
12. Igerilekuaren erabilera desegokiak edo arau-hausteak kanporatzea  eta dagokion zigorra ezartzea eragingo du.